平日工作太忙，返到屋企🏠都差唔多 8點，湊埋小朋友瞓覺再 me time 一下，攪到好夜先瞓覺。休息時間少，運動又唔多，原來好大機會出現膽固醇過高嘅問題😨。
咁點樣可以避免呢？除咗多運動🏃♀️、作息😴定時之外，良好嘅飲食習慣都非常重要。成日聽到「#三低一高零反式」飲食法，只要平日遵守呢個法則，就可以幫助趕走壞膽固醇。今日，我就參加咗一個網上煮食教學班💻，#由香港心臟專科學院聯同Amgen安進舉辦。
教學班邀請咗梁祖堯同我哋一齊煮嘢食👨🏻🍳，同場仲有 3 位香港心贜專科醫生🩺 (陳穎思醫生、陳裕豪醫生、范瑜恩醫生)，分享飲食、心臟、膽固醇及健康資訊💬。梁祖堯就教我哋整咗三款低鹽低糖、高纖及零反式脂肪嘅健康菜式😋：紅石榴芒果 salsa🥭、低脂肉醬意粉🍝、楓糖漿班戟🥞。
🔸️紅石榴芒果 salsa：紅石榴有豐富花青素，具有極高嘅抗氧化功效。而且仲可以減少壞膽固醇之氧化，有助預防心血管疾病。
🔸️低脂肉醬意粉：肉醬方面可揀特瘦豬肉，脂肪含量比較少。而且加入芹菜粒，亦有助降膽固醇、降血壓。
🔸️楓糖漿班戟：當中加入核桃及開心果，兩款都係降血脂、降膽固醇嘅好幫手。果仁仲含有豐富膳食纖維。
大家一邊煮食，一邊擁躍問問題🗨，獲益良多，增加我對膽固醇嘅認識。原來膽固醇過高唔一定出現喺肥胖人士身上，就算好似我咁瘦，都有機會發生㗎😲，嚴重的話更會令血管收窄，引致心血管疾病！而多食「好👍🏻」膽固醇，就有助清除血管內嘅「壞👎🏻」膽固醇。另外，唔講唔知，原來成年人過咗二十歲，就應該每四至六年做一次抽血檢💉，#唔好因為年紀輕而忽略呢個問題 呀！
以後，我一定要多注意食材嘅選擇，煮多 d 可降膽固醇嘅食物，為自己同埋屋企人建立一個更健康嘅飲食習慣🥰。
#香港心臟專科學院 #膽固醇 #網上煮食教學 #健康飲食 #三高一低 #hkfood #cooking #cookingmama #烹飪 #煮食 #hkmama #hkmom #hkmamablogger #親子
Search